詳細月經顏色拆解！月經7種顏色代表什麽？這些狀況要趕快看醫生！

1. 月經顏色點解會有變化？

月經顏色主要受到血液係子宮同陰道停留嘅時間長短所影響，停留嘅時間愈長，經血顏色就愈深，因為血液會同周邊氧氣產生氧化反應，反之就愈淺。然後，年齡、荷爾蒙變化、懷孕同健康狀況，都會對月經顏色造成影響。

2. 月經有邊7種顏色？

1. 鮮豔紅色
2. 粉紅色
3. 深紅色
4. 咖色
5. 橘色
6. 黑紅色
   
   

2.1 月經7種顏色代表咩？

1.鮮豔紅色

經血若呈現鮮紅色，且冇明顯血塊，代表子宮內膜剝落快，經血排出順利。然而若係到咗經期後期仍然排出鮮紅色血液，且經血量唔見減少，就可能係月經過量，應避免食用活血或者係刺激性嘅食物。同埋，化學流產或係由子宮肌瘤同子宮內膜息肉引起嘅出血亦呈現鮮紅色，若伴隨強烈腹痛就要多留意。

2.粉紅色

粉紅色嘅經血似稀釋後嘅狀態，不僅顏色淺淡，也略稀薄，代表體內嘅雌激素偏低，而雌激素嘅其中一個作用就係促進子宮內膜增厚。同埋，女性排卵期亦可能排出淺色嘅血滴，無礙於健康。

3.深紅色

唔少女性嘅正常經血都係深紅色，且流動速度緩慢並有血塊出現，通常都會伴隨腹痛，代表子宮內膜排出唔順利，需要更長時間排出體外。另一個情況係經血顏色都係深紅色，但係出血量大，維持超過3日，就要警惕係咪子宮肌瘤、肌腺症、子宮炎症。

4.啡色

經期流出咖啡色經血都有可能係子宮內膜排出唔順利所致。對於月經週期唔規律，又有性生活嘅女士，啡色經血（一般為點狀）有可能係懷孕胚胎著床，或者係先兆流產嘅徵兆。下體出血嘅情況通常維持1至2日不等，並唔會好似月經咁持續一星期。

5.橘色

排卵期出血或者係流產都有可能排出橘色血液。同時，橘色經血相信同陰道感染有關，陰道感染患者通常伴隨患處瘙癢，又會有深黃色分泌物（同經血稀釋），並有異味。

6.黑紅色

黑紅色嘅經血一般係先前經血冇完全排乾淨，堆積係子宮內膜處，進而隨著新一次嘅月經週期排出體外，排出速度會更慢。病理性原因則有可能發生子宮內膜異位，或子宮腔感染發炎所致，而子宮內膜異位係導致不孕症嘅其中一個因素，建議就醫處理！！

7.灰色

灰色血液是陰道發炎嘅警號！！例如細菌性陰道炎，其他感染跡象包括發燒、腹痛、陰道瘙癢、有異味，如果出現以上情況，應盡快就醫！！


Luvy Team

下一篇：【月經杯】超詳細新手教學 - 正確使用姿勢及清潔步驟 - luvy.me